თურქული ენის მასწავლებელი

• არ თარგმნოთ წინადადებები პირდაპირ თქვენი მშობლიური ენიდან თურქულ ენაზე

თურქულსა და ქართულ ენებში წინადადების სტრუქტურა სხვადასხვაგვარია. შესაბამისად წინადადების სიტყვა-სიტყვით გადმოთარგმნა სწორი არ არის. მთავარია გაიაზროთ წინადადება და ისე დაალაგოთ მსგავსი აზრი თურქულ ენაზე.

• არ გამოიყენოთ სიტყვა “çok” ანუ „ძალიან“ გადამეტებული სიხშირით

როდესაც ადამიანი თურქულ ენაზე იწყებს საუბარს, ხშირია შემთხვევა, რომ ისინი სიტყვას “çok” გადამეტებული სიხშირით იყენებენ, რადგან სურთ დიდი ემოცია კარგად გამოხატონ. ამ შემთხვევაში, უფრო ბუნებრივი იქნება თუ ისწავლით რამდენიმე მის სინონიმს. მაგალითად, შეგიძლიათ ალტერნატიულად გამოიყენოთ სიტყვები „Aşırı”, “Son derece” და „Fazlasıyla“.

• იმუშავეთ რთული ბგერების „ğ, ı, ö, ü, ç და ş“ სწორად გამოთქმაზე

თურქულში არსებობს ისეთი ასო-ბგერები, რომელთა ანალოგიც ქართულ ენაში არ გვაქვს. შესაბამისად, როდესაც ქართველი სწავლობს თურქულად, მას განსაკუთრებული ყურადღება უნდა დაუთმოს ამ ასო-ბგერების გამოთქმას. მოუსმინეთ ვიდეოებს, აუდიო-რესორსებს და ეცადეთ ზუსტად გაიმეოროთ მოცემული ბგერები.

• არ დანებდეთ მარტივად

უცხო ენის შესწავლა რამდენიმე დღეში და კვირაში არ  ხდება. განსაკუთრებით, ენის საფუძვლიანად შესწავლას დრო სჭირდება. გამოწვევები და წინაღობები ყოველთვის შეგხვდებათ, გაიხსენეთ მიზეზი, რატომ დაიწყეთ ენის სწავლა. არ დანებდეთ მარტივად.