ესპანური ენის მასწავლებელი

• ესპანური ენის საფუძვლიანი ცოდნა

რა თქმა უნდა, ენის სიღრმისეული ცოდნა ყველაზე საბაზისო და აუცილებელი მოთხოვნაა მასწავლებლისთვის. მას უნდა შეეძლოს რთული წესების, ლექსიკური ერთეულების და გამოთქმების მარტივად ახსნა მოსწავლეებისთვის. მასწავლებელმა რაც უფრო სიღრმისეულად იცის ენა, მისი ახსნილი გაკვეთილი მით უფრო მარტივი და გასაგებია.

• კარგი კომუნიკაციისა და გადმოცემის უნარი

არსებობს შემთხვევები, როდესაც მასწავლებელმა ნამდვილად კარგად იცის ის ენა, რასაც ასწავლის, მაგრამ მეორე ენაზე ამ ყველაფრის ახსნა და გადმოცემა არც ისე კარგად შეუძლია. ან შესაძლოა, მას სულაც არ აქვს კომუნიკაციის ის უნარები, რაც მასწავლებისთვის კრიტიკულია. თქვენ არ გყოლიათ სკოლაში მასწავლებელი, რომლის ახსნილსაც ვერასდროს იგებდით?

• მოსმენა, ემპათია და მხარდაჭერა

კარგ მასწავლებელს შეუძლია გულისყურით მოუსმინოს მოსწავლეს. გაიგოს მისი პრობლემისა თუ გულისტკივილის შესახებ და თუკი მის ხელთ არის ამ საკითხში დახმარება, დაეხმაროს. პროფესიონალი მასწავლებელი ემპათიას აჩვენებს სტუდენტს, როდესაც მას ეს სჭირდება. ამგვარი ქცევა კი მაგალითი ხდება სხვა მოსწავლეებისთვისაც და კლასში მეგობრული, უსაფრთხო გარემო იქმნება. ამგვარი ატმოსფერო მოსწავლეებს მოტივაციას აძლევს მეტი ისწავლონ და მხარი დაუჭირონ ერთმანეთს.